हरिचा... हरिचा ... हरिचा ... !!!

फुलाला सुगंध मातीचा, मातीला सुगंध घामाचा 

घामाला सुगंध कष्टाचा, कष्टाला सुगंध मनाचा 

मनाला सुगंध तो मनातल्या हरिचा ||

पर्वतांच्या पायी शिळा, शिळांच्या पायी खडक 

त्या खडकांनी बांधिला सेतू, त्यात वाटा एका खारीचा 

खारीवरून फिरे हात प्रेमळ, तो हातही होता हरिचा ||

तलम वस्त्र रेशमाचे, दैवलोकीच पांघरायचे

वस्त्रांस कड जरीचे, फाडून त्याची केली चिंधी

रक्‍ताळला जेंव्हा हात, तो तर होता हरिचा ||

उन्हा रानात दुखले पाय कोमल, जगाने सारिले दूर

पण ज्ञानशक्तिने वदविला रेडा, निर्मिली गिताई

उचलली लेखणी ज्या हाताने, तोही होता हरिचा ||

जमविले सवंगडी मानी ईमानी, खेळांचा सोडला नाद

बांधले तोरण हिंदत्वाचे, आली भवानी स्वप्नःत

तळपली तलवार ज्या हाती, तो हात होता हरिचा ||

नावेला दिशा सुकाणूची, सुकाणूला दिशा जलाची

जलाला दिशा वायूची अन्‌ वायूला दिशा कोणाची ?

दिशा दाखवी हात, तो आपल्या मनातल्या हरिचा ||

हरिचा... हरिचा ... हरिचा ... !!! 

---

सचिन सोनटक्के