🏔️ अलास्का सफर

बर्फाच्छादित पर्वत, हिमनद्या आणि समुद्राच्या कुशीतला अविस्मरणीय प्रवास

.

प्रवासाची सुरुवात

अलास्का म्हटलं की डोळ्यांसमोर उभे राहतात ते बर्फाने झाकलेले उंच पर्वत, निळ्याशार हिमनद्या, अथांग जंगलं, समुद्रात फिरणाऱ्या व्हेल्स आणि सॅल्मन माशांनी भरलेले प्रवाह.  ९ ऑगस्ट ते १९ ऑगस्ट २०२६ या काळात केलेली आमची अलास्का सफर या सगळ्या अनुभवांनी भरलेली होती.  

अलास्काला जाण्याचा निर्णय घेतल्यानंतर सर्वात आधी आमच्यासमोर काही महत्त्वाचे प्रश्न उभे राहिले - आपण Seattle किंवा Vancouver येथून round-trip cruise करायची, की one-way cruise करायची? आणि फक्त cruise मधूनच Alaska पाहायचा, की land portion सुद्धा प्रवासात समाविष्ट करायचा?

आम्हाला नियोजन करण्यात मदत करण्यासाठी आम्ही AAA travel desk वापरण्याचे ठरवले आणि ते एक अतिशय उपयुक्त साधन ठरले. त्यांनी आम्हाला प्लॅन बनवायला मदत तर केलीच पण अजून काही महत्वाची माहिती पण दिली,  जसेकी त्यांनी आम्हाला सांगितले की ग्लेशियर बे नॅशनल पार्क (Glacier Bay National Park) मध्ये फक्त ४ क्रूझ लाईन्सना प्रवेश देण्याची परवानगी आहे आणि त्यांनी अशी शिफारस देखील केली की अलास्कासाठी क्रूझ जहाजावर बाल्कनी रूम घेणे हा एक फायदेशीर निर्णय होईल. आणि तो अतिशय योग्य सल्ला होता.

थोडा विचार आणि काही research केल्यानंतर आम्हाला आणखी एक गोष्ट नक्की वाटली - अलास्काच्या अंतर्भागात जाऊन Denali National Park पाहिल्याशिवाय हा प्रवास पूर्ण होणार नाही. Mt. Denali पाहणे हे आमच्या bucket list वर बऱ्याच वर्षांपासून होते. म्हणून शेवटी आम्ही Anchorage पासून सुरुवात करण्याचे ठरवले. पहिले तीन दिवस land tour करून Denali परिसर अनुभवायचा, त्यानंतर Anchorage जवळच्या Whittier port वर परत यायचे आणि तेथून Vancouver पर्यंत one-way cruise करायची, असा आमचा आराखडा तयार झाला. प्रत्येक दिवस वेगळा आणि प्रत्येक ठिकाण खास.

या route मध्ये आम्हाला अलास्का चे वेगवेगळे पैलू एकाच प्रवासात अनुभवता येणार होते—Denali national Park, Denali ते Whittier हा सुंदर glass-dome train journey, भव्य Hubbard Glacier, संपूर्ण दिवस Glacier Bay National Park मध्ये scenic cruising, आणि त्यानंतर Juneau, Skagway आणि Ketchikan या महत्त्वाच्या ठिकाणांना भेट. अशा प्रकारे land आणि sea दोन्हींचा समतोल साधणारा Princess Cruises चा मार्ग आम्हाला सर्वात योग्य वाटला. 

दिवस १ Anchorage मध्ये आगमन

विमानाने Anchorage येथे पोहोचल्यानंतर baggage घेऊन Hotel Captain Cook कडे प्रयाण केले. पहिल्या दिवशी कोणतीही घाई न करता प्रवासाचा थकवा घालवणे आणि पुढील अलास्का adventure साठी तयार होणे हा मुख्य उद्देश होता.

दिवस २ - Anchorage ते Mt. McKinley Princess Wilderness Lodge 

George Parks Highway मार्गे Mt. McKinley Princess Wilderness Lodge कडे निघालो. या दिवसासाठी Denali Kayak Tour आणि Talkeetna River Float Trip हे paid पर्याय होते; परंतु आम्ही तिसरा, स्वतःहून अनुभव घेण्याचा पर्याय निवडला. Anchorage ते McKinley जाताना Talkeetna येथे उतरलो आणि गावात फेरफटका मारला. तीन नद्यांचा संगम असलेल्या ठिकाणी साधारण १०–१५ मिनिटे चालत गेल्यावर Denali आणि त्याच्या आसपासच्या पर्वतरांगांचे अप्रतिम दर्शन झाले.जेवण केल्यानंतर shuttle ने lodge गाठले. Mt. McKinley Princess Wilderness Lodge अतिशय सुंदर होते. मुख्य इमारती च्या व्हरांड्या मधुन Denali आणि आसपासच्या पर्वत रांगांचं  सुंदर दर्शन होत होतं. तिथें त्यांनी Powerful दुर्बिणी देखील लावून ठेवल्या होत्या. नंतर Treehouse पर्यंत hike केली. Denali दिवसभर नजरेसमोरच असल्यासारखा वाटत होता. संध्याकाळी जेवण करून  firepit जवळ बसून पर्वतांचा नजारा अनुभवला. हा दिवस अपेक्षेपेक्षा खूपच सुंदर ठरला. दुसऱ्या दिवशी पहाटे  याच व्हरांड्यात कॉफी पिताना एक गोंडस मूसच पिल्लू देखिल नजरेस पडलं. या प्रदेशाला भेट देणाऱ्यांपैकी साधारण ३०% पर्यटकांनाच त्यांच्या प्रवासादरम्यान Denali शिखर स्पष्ट आणि विनाअडथळा पाहायला मिळते. आम्हाला तर दिवसभर Denali चे दर्शन घडल्यामुळे आम्हाला खूप आनंद झाला.

दिवस ३ - Denali National Park परिसर

सकाळी McKinley येथून Denali Princess Wilderness Lodge कडे प्रयाण केले.  Natural History Tour दुपारी २ ते ७ या वेळेत reserved होती; Lodge  खूपच सुंदर होता. हलकी थंडी आणि मध्ये पडणारं सुखद ऊन. इमारतीच्या मागेच खळाळत वाहणाऱ्या निन्याना नदीच पात्र. जेवण करून आम्ही नॅशनल पार्क मध्ये जायला तयार झालो, Denali National Park बाकीच्या अमेरिकन National Parks पेक्षा खूपच मूळ स्वरूपात ठेवला आहे. आपण आपली गाडी घेऊन परमिट शिवाय आत जाऊ शकत नाही, जे सहज मिळत नाही. पार्क च्या आत फक्त एकच रस्ता आहे. पार्क सर्विसेस तुम्हाला 60 miles पर्यंत त्यांच्या बस मधून नेते. तीच Natural History Tour. आमचा tour driver खूपच गप्पिष्ट होता. त्यांनी या प्रवासात खूप माहिती दिली. वेगवेगळ्या ठिकाणी थांबून, मूस, कॅरिबू वगैरे प्राणी दाखवले. काल दिवसभर समोर असलेल्या Mt Denali नी मात्र आज Cloud cover मुळे अजिबात दर्शन दिला नाही. पण पार्क अतिशय सुंदर आहे. जवळ जवळ 126 sq miles चा मानवी स्पर्श न झालेला निसर्ग नजरेच्या टप्प्यात येतो आपल्या अस्तित्वाच्या छोटे पणाची जाणीव करून देतो. Denali परिसरात पर्वत, जंगल आणि wilderness यांचा अनुभव घेताना अलास्काची खरी ओळख अधिक गडद झाली.तिथे आम्हाला भेटण्या साठी एक नेटिव्ह अलास्कान आज्जी आली होती. तिनी सांगितले कि ते Denali पर्वताला घरच्या जेष्ठ सदस्या प्रमाणे आदर देतात. हा भाव आपल्याला किती ओळखीचा आहे ना?

दिवस ४ -  Denali ते Whittier आणि Cruise ची सुरुवात

सकाळी lodge सोडून rail depot कडे प्रयाण केले आणि मग सुरू झाला या प्रवासातील एक अत्यंत सुंदर टप्पा — Denali ते Whittier रेल्वे प्रवास. सुमारे १० तास आणि 295 miles इतका हा प्रवास होता. रेल्वेच्या खिडकीतून दिसणारे पर्वत, नद्या, जंगलं आणि सतत बदलणारे अलास्काचे landscape पाहत प्रवास करणे ही स्वतःमध्येच एक excursion होती.त्या प्रदेशाचा सखोल ज्ञान असणारे आणि रंगवून माहिती सांगणारे गाईड, जेवणाची सुस्सज सोय असलेली dining car आणि observation decks. यामुळे  १० तास कसे गेले ते समजलच नाही. 

या रेल्वे प्रवासात आम्ही Dall sheep, काही कॅरिबू (Caribou) पाहिले आणि खाडीत येणारी बोर टाईड (भरतीची मोठी लाट) देखील पाहिली. ती ५ फूट उंच उधाणाची लाट अनुभवणे एक अप्रतिम अनुभव होता. खूप लोक त्यांच्या Surfboards घेऊन त्या लाटेवर सर्फिंग करण्यासाठी वाट पाहत थांबले होते. आम्ही जसे (Whittier) जवळ येत होतो, तसे आमच्या सभोवताली बर्फाच्छादित डोंगर होते आणि आम्हाला अनेक हिमनद्या (Glaciers) दिसत होत्या.

सायंकाळी Whittier येथे पोहोचल्यानंतर Princess Cruise वर embarkation झाले. रात्री 8:30 वाजता जहाजाने पुढील प्रवासाला सुरुवात केली. आता आमची Alaska Cruise सुरू झाली होती!

दिवस ५ - Hubbard Glacier

क्रूझवरचा (cruise) हा आमचा दुसरा दिवस होता. कालपासूनच आम्ही जहाजावर आणि आमच्या कॅबिनमध्ये छान सेटल झालो होतो. कॅबिनमधून गरम कॉफी चे घुटके घेत  सूर्योदय पाहताना आम्ही Hubbard Glacier च्या परिसरात कधी पोहोचतोय, याचीच उत्सुकता लागली होती.

आम्ही जवळ पोहोचलो आणि Hubbard Glacier चा तब्बल ७ मैलांचा भव्य विस्तार नजरेस पडू लागला. 350 फूट  उंच बर्फाची भिंत समोर उभी होती.  जणू काही एक भलामोठा प्रवाह समुद्राला येऊन मिळत होता, पण तो पूर्णपणे गोठलेल्या बर्फाचा होता! आमच्या आजूबाजूला चमकणारे छोटे-छोटे हिमनग (icebergs) तरंगत होते आणि किनाऱ्यावर Sea lions सकाळचे कोवळे ऊन खात बसले होते. जसे जहाज ग्लेशियरच्या दिशेने पुढे गेले, तसे आम्हांला Hubbard Glacier अगदी जवळून पाहण्यासाठी एका छोट्या बोटीत बसण्यास सांगण्यात आले. आम्ही बुक केलेल्या excursions पैकीच ही एक होती.

आम्ही सगळे त्या छोट्या बोटीत बसलो आणि ग्लेशियरच्या दिशेने निघालो. हळूहळू आम्ही इतके जवळ पोहोचलो की तो अथांग विस्तार एका नजरेत टिपणेच शक्य नव्हते. खाडीत (bay) दोन वेगळे ग्लेशियर्स येत होते. एकाने आजूबाजूच्या जमिनीचा भाग खरवडून काढल्यामुळे तो गाळाने भरलेला, काळा-पांढरा दिसत होता. तर दुसरीकडे Hubbard Glacier वर निळ्या बर्फाच्या अशा काही अद्भूत छटा दिसत होत्या, ज्या आम्ही याआधी कधीच पाहिल्या नव्हत्या.

आम्ही ते दृश्य पाहत असतानाच आम्हांला glacial calving (बर्फाचे मोठे कडे तुटून पडणे) दिसू लागले. ग्लेशियर तसा स्थिर वाटतो, पण तो हळूहळू पुढे सरकत असतो. जेव्हा त्याचा पुढचा भाग उबदार पाण्याला स्पर्श करतो, तेव्हा मागच्या भिंतीवर प्रचंड दाब निर्माण होतो. यामुळे बर्फाच्या त्या भिंतीला भेगा पडतात आणि बर्फाचे भलेमोठे खडक तुटून थेट समुद्रात कोसळू लागतात. हा खरोखरच आयुष्यात एकदाच मिळणारा अविस्मरणीय अनुभव होता! पुढील क्षणी बर्फ कुठून तुटून पडेल हे सांगता येत नसल्याने कॅमेऱ्यात टिपणे कठीण होते, पण हा अनुभव माझ्या आयुष्यातील सर्वांत खास आठवणींपैकी एक बनला आहे.

तिथे तासभर वेळ घालवल्यानंतर आम्ही हळूहळू मागे फिरलो आणि मुख्य जहाजावर परतलो. जहाजाच्या मागच्या बाजूला जाऊन आम्ही Hubbard Glacier जोपर्यंत नजरेआड होत नाही, तोपर्यंत त्याच्याकडेच एकटक पाहत राहिलो.

 

दिवस ६ -  Glacier Bay National Park

 आजचा दिवस पूर्णपणे Glacier Bay National Park साठी. सकाळी ९:१५ ते संध्याकाळी ६:१५ पर्यंत scenic cruising. जहाजाच्या deck वरून हिमनद्या, बर्फाचे तुकडे, उंच पर्वतरांगा आणि निळ्या समुद्राचे अथांग दृश्य पाहणे हा दिवसाचा केंद्रबिंदू. निसर्गाचा scale इतका मोठा वाटत होता की माणूस स्वतःला त्या विशाल landscape मध्ये अगदी छोटासा जाणवतो.

ग्लेशियर बे नॅशनल पार्कचा (Glacier Bay National Park) प्रवास म्हणजे जणू एखाद्या निसर्गचित्रात जिवंतपणे प्रवेश केल्यासारखा होता. प्रवासाच्या सुरुवातीपासूनच सभोवतालचे उंच, बर्फाच्छादित डोंगर, नितळ निळे पाणी आणि धुक्याची चादर यामुळे वातावरण अगदी जादूई वाटत होते. पुढे जाताना Marjorie glacier व्यतिरिक्त आम्हाला Lamplugh glacier आणि Johns Hopkins glacier  सारख्या इतर अनेक भव्य हिमनद्या पाहायला मिळाल्या. या प्रवासात निसर्गाने मला वन्यजीवांचे अद्भूत दर्शन घडवले; पाण्यात अचानक हंपबॅक व्हेल (Humpback Whales) पाठीचे कवाडे वर काढत सूर मारताना दिसल्या, तर बर्फाच्या तुकड्यांवर Seals आणि Otters शांतपणे विश्रांती घेत होते. दुर्बिणीतून पाहताना डोंगराच्या कड्यांवर माउंटन गोट्स (Mountain Goats) आणि किनाऱ्यावर संथपणे चालणारे  अस्वल देखील नजरेस पडले पण अर्थात, खूप दूरवर आणि दुर्बिणी च्या साहाय्यानेच.

या प्रवासाची मजा द्विगुणित झाली जेव्हा नॅशनल पार्कचे रेंजर्स (Park Rangers) आमच्या जहाजावर आले. त्यांनी लाऊडस्पीकरवरून तिथला इतिहास, हिमनद्यांची निर्मिती आणि वन्यजीवांबद्दल दिलेली अभ्यासपूर्ण माहिती ऐकताना या निसर्गाबद्दलचा आदर अजूनच वाढला. या संपूर्ण अनुभवाचा परमोच्च क्षण तेव्हा आला, जेव्हा आमचे भव्य क्रूझ जहाज Marjorie glacier समोर थांबले आणि त्याने संथपणे ३६० अंशात पूर्ण फेरी घेतली. जहाजाच्या या चक्राकार गिरकीमुळे एकाच जागेवर उभे राहून, त्या अवाढव्य हिमनदी चे आणि सभोवतालच्या अथांग नैसर्गिक सौंदर्याचे प्रत्येक कोनातून दर्शन घेता आले. Hubbard Glacier डोंगरातून वळून येते. Marjorie glacier बघताना मात्र उंच पर्वत शिखरा  पासून ते समुद्रा पर्यंत चा तिचा सगळा प्रवास दृष्टीक्षेपात येत होता. नखरेल वळणे घेत ती समुद्राला मिळत होती. आमच्या सुदैवाने आम्हाला 70F तापमान आणि सुंदर ऊन असलेला दिवस मिळाला. त्यामुळे हे सगळे रंग अधिकच खुलून येत होते. Rangers वारंवार आठवण करून देत होते कि असले दिवस अलास्का मध्ये बोटावर मोजण्या सारखे असतात त्यामुळे आम्ही मनातल्या मनात देवाचे आभार मानतच हा दिवस अनुभवत होतो.

या सगळ्या बरोबर cruise ची वेगळी गम्मत जम्मत चालू होती त्यातही सहभागी होत होतो. line dancing workshop, Stand up comedy show, हे देखील चालू होता. संध्याकाळी फॉर्मल डिनर होता. त्यामुळे Glacier Bay मधून शिप बाहेर पडल्याबरोबर मस्त तयार होऊन फॉर्मल डिनर ला निघालो.

दिवस ७ - Skagway आणि White Pass

अलास्कातील Skagway हे आमच्या क्रूझ प्रवासातील एक अत्यंत सुंदर आणि महत्त्वाचे स्टेशन (cruise stop) होते. जहाजावरून उतरून आम्ही White Pass Summit साठी बसचा प्रवास सुरू केला. वाटेत एका नयनरम्य नदीवर (Tutshi river) असलेल्या Yukon Suspension  Bridge जवळ आम्ही काही वेळ थांबलो; तिथे सभोवतालचा निसर्ग आणि पाण्याचा खळखळाट मनाला भुरळ पाडत होता. पुढे एका छानशा Ranch वर थांबून आम्ही दुपारचे जेवण केले आणि तिथून पुढे प्रवास करताना Emerald Lake सारखी अनेक नयनरम्य, हिरव्यागार पाण्याने नटलेली निसर्गरम्य ठिकाणे पाहिली.

आमच्या बस ड्रायव्हरने संपूर्ण प्रवासात या भागाचा इतिहास आणि प्रसिद्ध Gold Rush बद्दल अनेक रंजक गोष्टी सांगितल्या. तिथे एकेकाळी सोन्याच्या शोधात आलेल्या लोकांचा संघर्ष आणि कथा ऐकताना हा प्रवास अधिकच जिवंत वाटू लागला. निसर्गाचे अप्रतिम सौंदर्य आणि इतिहास यांचा हा सुरेख संगम आमच्या या प्रवासाला सदैव आठवणीत राहील असा बनवून गेला. पर्वतांच्या मधून जाणारा रेल्वे रोड आणि Gold Rush च्या इतिहासाशी हा परिसर जोडलेला आहे. शहरातील जुन्या इमारती आणि छोट्या रस्त्यांमधून फिरताना जुन्या काळाची झलक मिळते. 

दिवस ८ -  Juneau — Glacier आणि Whale Watching

आमचा पुढचा पोर्ट स्टॉप होता Juneau. इथे आम्ही Whale Watching + Mendenhall Glacier असा combo tour करायचा ठरवला होता, कारण देवमासे (whales) त्यांच्या नैसर्गिक अधिवासात आणि तेही शक्यतो जवळून पाहणे ही आपल्या सगळ्यांच्याच wish list वरची गोष्ट होती.

सुरुवातीला आम्ही एका छोट्या बोटीत बसलो. त्यांनी तर अटच ठेवली होती की Whale दिसले नाहीत तर अर्धे पैसे परत मिळतील; पण अर्थातच कोणालाच पैसे परत नको होते! सुरुवातीचे ३० मिनिटे काहीच दिसले नाही. पण लवकरच २ Whale आमच्या बोटीच्या अगदी जवळ आले आणि आमच्या आनंदाला उधाण आले! आम्ही त्यांच्या जवळच राहून त्यांना हवेचे फुगे सोडताना (blow bubbles) आणि पाण्यात डाईव्ह मारताना पाहतो होतो. त्यानंतर आम्ही खाडीच्या (bay) आणखी आत गेलो, आणि तो खरोखर आमचा लकी दिवस असावा! तिथे २०-२५ देवमाशांचा एक संपूर्ण गट (pod), ज्यात एक लहान पिल्लू सुद्धा होते, शिकार आणि भक्षण करत होता.

देवमासे खाडीतील माशांच्या मोठ्या थव्याभोवती गोल फिरत फुगे सोडायला सुरुवात करतात(Bubble net fishing). घाबरलेले छोटे मासे एका गोळ्यासारखे (ball) एकत्र येतात. माशांचा हा थवा योग्य ठिकाणी आला की सगळे देवमासे पाण्यात खोल डुबकी मारतात आणि आपले मोठे जबडे उघडून थेट वर येतात! हे दृश्य आम्ही फक्त Discovery Channel वर पाहिले होते, पण हा संपूर्ण प्रकार प्रत्यक्षात अनुभवणे हा एक वेगळाच थरार होता. हे नयनरम्य दृश्य आम्ही आणखी ३ वेळा पाहिले आणि शेवटी आमची वेळ संपल्यामुळे आम्हांला किनाऱ्यावर परतावे लागले.

किनाऱ्यावर आल्यावर आम्ही Mendenhall Glacier visitor center साठी बस पकडली. तिथून ग्लेशियर जवळून पाहण्यासाठी आणि Nugget Falls पाहण्यासाठी आम्ही १ मैलाची ट्रेल (trail) केली. या वाटचालीच्या शेवटी आम्ही थेट Nugget Falls च्या पायथ्याशी पोहोचलो; तो एक अत्यंत सुंदर अनुभव होता. Mendenhall Glacier मात्र थोडा आणखी मागे होता. काही वर्षांपूर्वी जेव्हा हे व्हिजिटर सेंटर बांधले गेले, तेव्हा ते ग्लेशियर जिथे समुद्राला मिळायच त्या ठिकाणाजवळच होते. पण Global Warming मुळे आता सगळ्याच हिमनद्या (glaciers) मागे सरकल्या आहेत.

दिवस ९ - Ketchikan

Ketchikan हा आमच्या क्रूझ प्रवासाचा शेवटचा थांबा (port stop) होता. अलास्का ज्या अद्भूत नैसर्गिक गोष्टीसाठी प्रसिद्ध आहे, त्यातील एक म्हणजे Salmon run (सॅल्मन माशांचा प्रवाह). Salmon run म्हणजे mature Salmon माशांचा अंडी घालण्यासाठी समुद्रातील खाऱ्या पाण्यातून प्रवाहाच्या उलट दिशेने पोहत पुन्हा आपल्या जन्मजात नदी तील गोड्या पाण्यात परतण्याचा वार्षिक प्रवास. या खडतर प्रवासात ते पाण्याच्या वेगाचा सामना करत, धबधब्यांवरून उड्या मारत आपल्या मूळ ठिकाणी पोहोचतात.हे मासे अथक परिश्रम करून अचूक जिथे त्यांचा जन्म झाला त्याच  झऱ्या पर्यंत पोहोचतात. आणि पिल्लाना जन्म देऊन झाला  कि त्यांचा जीवनाची इति कर्तव्यता  झाल्या प्रमाणे मरून जातात.

 Ketchikan मध्ये Salmon run चालू असेल अशी आम्हांला अपेक्षा होती. इथे आमच्याकडे Creek Street, Salmon Ladder, Totem Heritage Center आणि Lumberjack Show असे अनेक पर्याय उपलब्ध होते.

पण आमची तीव्र इच्छा होती ती अस्वल (bears) पाहण्याची, आणि आतापर्यंत आम्हांला अस्वल पाहण्याची संधी मिळाली नव्हती. सॅल्मन माशांची शिकार करणारे अस्वल कुठे पाहायला मिळतील, यासाठी आम्ही ChatGPT ची मदत घेतली. त्याने भरती-ओहोटीच्या वेळा (tidal timings) लक्षात घेऊन एक गाडी भाड्याने (rent) घेऊन Herring Cove कडे ड्रायव्हिंग करत जाण्याचा सल्ला दिला. आम्ही त्यानुसार त्या ठिकाणी पोहोचलो.

सुरुवातीला आम्हांला २ लहान पिल्लांना घेऊन ओढ्यावरून घाईघाईने पळून जाणारी एक मादी अस्वल दिसली. आम्ही आणखी १५ मिनिटे वाट पाहिली आणि एका धिप्पाड नर अस्वलाला ओढ्याकडे चालत येताना पाहिले! त्याने २ फूट लांब असलेला एक मोठा सॅल्मन मासा पकडला आणि तिथेच खाल्ला, त्यानंतर दुसरा मासा पकडून तो खाण्यासाठी झाडीत निघून गेला. हे सर्व दृश्य आम्ही भारावून जाऊन पाहत होतो आणि आपल्या नशिबाचे आभार मानत मागे फिरलो.

त्यानंतर आम्ही Creek Street परिसरात फिरलो आणि Salmon Ladder पाहिली. नदीच्या प्रत्येक चौरस यार्डात शेकडो सॅल्मन मासे पाण्याच्या वेगवान प्रवाहाविरुद्ध पोहण्याचा प्रयत्न करत होते. धबधबा चढण्यासाठी उड्या मारणे, अनेक वेळा मागे कोसळणे, पण तरीही हार न मानणे - चिकाटी आणि जिद्दीचे असे रूप आम्ही याआधी कधीच पाहिले नव्हते!

दिवस १० - At Sea - Cruise मधील निवांत दिवस

सततच्या excursions नंतर आजचा दिवस समुद्रावर. जहाजावर आराम, मागील दिवसांच्या आठवणी, समुद्राकडे पाहत वेळ घालवणे आणि cruise life चा आनंद घेणे. हा formal night असल्यामुळे प्रवासात थोडा glamour देखील आला.

दिवस ११ - Vancouver

११व्या  दिवशी सकाळी 8 वाजता  Cruise Vancouver ला  डॉक झाली. आम्ही Vancouver  वरून Cincinnati ला  return flight  घेतली. आणि  अशा तर्हेने अलास्का ची ट्रिप सुफळ संपूर्ण झाली

प्रवासाची तयारी - काय घेऊन जावे?

अलास्काचे हवामान पटकन बदलू शकते. एका दिवसात ऊन, पाऊस, थंड वारा आणि बदलते हवामान अनुभवायला मिळू शकते. त्यामुळे त्यामुळे layers मध्ये कपडे घालणे आणि waterproof gear जवळ ठेवणे महत्त्वाचे. Waterproof hiking shoes, windbreaker, merino wool किंवा alpaca socks, thermal कपडे, waterproof pants, sunglasses, rain gear, binoculars, mosquito protection, seasickness medicine आणि basic medical kit यांची तयारी उपयोगी ठरते. 

शेवटचा विचार

ही सफर केवळ एका ठिकाणाहून दुसऱ्या ठिकाणी जाण्याचा प्रवास नव्हता. हा पर्वतांपासून समुद्रापर्यंत, जंगलांपासून हिमनद्यांपर्यंत आणि wildlife पासून शहराच्या संस्कृतीपर्यंत निसर्गाची वेगवेगळी रूपे अनुभवण्याचा प्रवास होता. Denali ची शांतता, Talkeetna चे views, scenic train, Hubbard Glacier, Glacier Bay, Skagway चा इतिहास, Juneau मधील Nugget falls आणि whales, आणि Ketchikan मधील Salmons - प्रत्येक दिवसाने आठवणींच्या वहीत एक नवे पान जोडले आणि शेवटी मनात एकच विचार राहिला - अलास्का पाहण्याची नाही तर अनुभवण्याची  गोष्ट आहे!! 

---

पूर्णिमा गलगली