🎊🎉*Happy 65th Niteen!* 🎉🎊

साल नक्की आठवत नाही, पण ८-१० वर्षांपूर्वीची गोष्ट आहे.  त्रिवेणी चा सांस्कृतिक कार्यक्रम चालू होता. निवेदक आणि प्रेक्षक असा थेट स्टेज वरून प्रश्नोत्तरांचा खेळ चालू होता. मजेशीर प्रश्न होते. एक प्रश्न आला की त्रिवेणीच्या प्रत्येक कार्यक्रमामध्ये बघायला मिळणारी गोष्ट कोणती? कुणी म्हणाले त्रिवेणी चा बॅनर, कुणी म्हणाले रेजिस्ट्रेशन डेस्क, तर कुणी म्हणाले अध्यक्षांचे भाषण! पण सर्वमान्य आणि लोकप्रिय उत्तर होते - नितीन बापट !!

सदोतीत हसरा चेहरा आणि डोक्यावर बर्फाची लादी घेऊन फिरणारा हा माणूस! अजातशत्रू असेच त्यांचे वर्णन करावे लागेल. "करी शस्त्र न धरी, गोष्टी सांगेन युक्तीच्या चार". आता ह्याचा रुढार्थ जरी वेगळा असला तरी, बापटांच्या बाबतीत हे बऱ्याच अर्थी खरे आहे. हातात शस्त्र न घेता - म्हणजे कुणाचीही बाजू  न घेता, कुणालाही न दुखावता, सगळ्यांचे म्हणणे हसतमुखाने ऐकून, कुठल्याही समस्येवर तोडगा काढणे, ही त्यांची खासियत. मात्र वेळ आल्यावर ते कुठल्याही कामात "कमी तिथे आम्ही" या तत्वावर स्वतःला झोकून देतात. आणि त्यात त्रिवेणीचे काम असेल तर विचारूच नका - कार्यक्रमाला venue मिळत नाहीये, बापटांशी बोला. खर्चाचे गणित जमत नाहीये, बापटांना विचारा. अमुक तमुक जाम रुसलाय / रागावलाय, बापटांना त्यांच्याशी बोलायला सांगा. Executive committee member ला काहीं वैयक्तिक कारणांनी आता काम करायला जमणार नाही म्हणून कुणी replacement मिळते का, ते बघायला सांगा बापटांना!!

त्रिवेणीची वीण घट्ट ठेवण्यात यांचा सिंहाचा वाटा आहे. आजही त्रिवेणी मित्र मंडळाचा अधिकृत पत्ता आणि श्रीयुत बापट यांचा पत्ता एकच आहे. त्यांनी सर्वार्थाने हे आपल्या 'घरचे' कार्य मानले आहे, हे सांगायला आणखी काय हवे? अशा या जगतमित्राचा आज ६५ वा वाढदिवस! त्यांना आनंदी आणि निरोगी दीर्घायुष्यासाठी अनंत शुभेच्छा !! 💐🙏

---

अमित शास्त्री